ريــــدة الســـمــــحـــه

مو هدير النمه القايد فى العضام متكول
دى هدير ريدة السمحه ام فراقا" حول
انا كل مالى انظم فى القوافى القول
راجى الله يطلق القيد واشوف الزول

************

مرضان ونيران الغرام زايد القلوب تأويرا
هالكانى مرنوعة الوريد المكتمل تسطيرا
انظم فى الشعر مجانى لا رخصه لاتسعيره
وبرضى ماارضيتا السالبانى بى دلال تحويره

**********
ريدة السمحه طلقت فينى نار الغرام بى سعيرا
كل ما اقول اتوب اسد باب الغرام وانسى الســــــيره
ارجع اطراها ام فاطرا" حاكا برق ام رعود وكـــــــــريرا
افارقو النوم تفاقق عينى من مســــــاها عصـــــــيرا

********

غلبنى السكات والنم فى جواى وارد وسادر
قدلت بريرية الاراك الفى السماحه حظها وافر
تلة ايدا قلعت قلبى لى احشاهو اضحى منافر
سببى لمــعة اللـمه وفـص الجــيد وقواما" نـادر

********
بريريبة الآراك السارحه بالقلوب تعتزا
لاهيه ولاعبه ومو داريه طرفى جافا الخزه
درة وادى الحسان سمحة لون وبراطما" لذه
هردت قلبى جابتلو الانضراب والــهـــــــزه