Admin Admin
عدد المساهمات : 64 تاريخ التسجيل : 29/06/2010 العمر : 45 الموقع : السعوديه راس تنوره
| موضوع: البرق النتف الإثنين أغسطس 02, 2010 11:47 pm | |
| القبلى النتف شابه دموعى صبيبو فارقنى المفدع .. قليبى زادلـو نحيبو ان هلكتــا وراهو ..ما بفكـــلو دريبـــو واشهدو ياالسمار ..عافيلو كل تعذيبو
القبلى النتف زكرنى الحشيم وعنادو وكيف حكـم ضـربـو فــى قلـبـاً بـعـزو ورادو قاطعنـى السـلام ود عينـى لجـه رقـادو طارى محنتو و لي الليلـه طـــارى أورادو
القبلى النتف وصد العزيز واتـــوانـــا ولوح غادى لـى ناسـاً عُـزاز مـن لانـا خاصمنـا ورحـل حتـى الـسـلام جافـانـا حلفـتـو اليمـيـن حنسـتـو مــا اتـرجـانـا
القبلى النتف طرانى الوسيم ومحوَر طـال بينـا البعـاد وأصلـو الـمـزاج إتعـكّـر جـلـسـات الـسـمــر لـيـهــن دوام بـتـذكّــر حليل ونســـات الليــالى وكتين تروق تتبطر
القبلى النتف هتتف صبيبو وسال زكرنى المفدع ظبى الخلا الجفال مضـــمور الوسط نظرة عيونو نبال درعنى الاسف طبق منامى وشال
القبلى النتف صب رفن بروقو وشاح زكرنى المبطر ظــبى الـــبوادى الراح تــــاورنى الوجـــع والــــم الغرام نتاح حليل لذيذ ايناســـك وفرك المصـــباح
القبلى النتف عمت بشايرو عموم زكرنى المبطر ضامر الحشاالمبروم دمعـــاتاً تصب مابيه الوقوف كل يوم ورثتنى السهاد ونزف القلب مدموم
القبلى النتف شال منامى وميضو بكانى السخين زكرى دلالو و جيدو وتلة ايدو فى الداره جـــادعو وريدو اتخمش النفس الا العمر عن سيدو
القبلى النتف سوا الوحايح فينى زكـــرنى المبطـــر زايد دلال جافينى كل ماشرقت شمس زكراهو بتلاوينى طابق لى وحيح بى حر فراق يكوينى
القبلى النتف زاد الوحيح والوجعه طرانى المكحل رايق جمالاً بدعه ضامر حشا وفاهــو صدف الودعه طلق فينى نيران الغرام واللــوعه
القبلى النتف ضرب حشاى رصاصو زكرنى الجدى القاطع نفس قصاصو عبك النحل محروس بالهلاك مصاصو كيفن لى لماهو نطرب نشوف رقاصو
القبلى النتف صاب من سحابو هموم طرانى المبطر ضامر الحشا المزموم ان كان ماقوالة الراوى ووشاية القوم بتم كيوفى معاهو لا عن نهاية اليوم
القبلى النتف شالن عز منامى بــروقو طرانى المفدع ظبــى البطانه وزوقــو جدى المحصنات ترباية البطر فى روقو اموت عطشان حنو وغلاهـــو وشوقو
القبلى النتف خام زفرتيت وهبوب زكرنى الموشح بى الكُليت وطيوب صبراً لى لــــقاهو فاتو حــــد ايوب منو مابتلى ان كــان يتقطع عرقوب
القبلى النتف لاهب وميضو وشال طرانى المـــفدع جـــدى البطاين المال كل مااقول انساهو يسبق الدمع وشال نظراتو لى تصـــيب زى ضـــربة الشوتال | |
|