فراق الكرامه

.ماها المحريه كانت ولا كنتا بحلم يوم
يكفينى العلى رادف من هموم مردوم
فراقك على مرير لكن الكــــــرامه تدوم
اعلن حدادى عليك لــما القيامه تقوم



ودعت معاك ايام ربـــى عالــــم صــــادق
باريتك شهور وايام هماً علـــى متلاحـــق
شن ذنبى بس سويت تكيل على مطابق
يازول ودعــــتك الله وربك على بيشـــافق


صعب الوداع وقاسيهو تكون مجبور
ومر الفراق لى الجواك كان مفـــرور
الزول ان ابــــاك ودع نهـــارو حــــرور
شيل اقلع ودو وخليهو يمشى يغــور


كنتا لى رفيق اشرحلو كل البى
وكنتا لى صديق احكيلو مر غلبى
كنتا لى شفيق دارك شرور كربى
والان ولا شئ يـــلاك فارق دربى


كنتا لى الزاد ومابنكر عليك افضالك
كنتا لى زناد حاجينى طـــيب اقوالك
كنتا لى مرواد كضاب البمس مرحالك
ودعـــتك الله وكـــتار الفــــاتو قبـــالك